《感谢妳》
Kám-siā Lí
 
作曲 :雷振光 Andrew Lui  庄蔚义 David Koon
作詞 :曾丽婕 Selina Tseng
編曲 :庄蔚义 David Koon 

青春是我 自由飞 看看世界有偌大
tshing-tshun sī guá tsū-iû pue khuànn-khuànn sè-kài ū juā tuā

越头过去 毋甘愿 悲情歌声唱袂煞
ua̍t-thâu kuè-khì m̄-kam-guān pi-tsîng kua-siann tshiùnn bē suah

你的情 我是无收好四界放 
lí ê tsîng guá sī bô siu-hó sì-kè-pàng

才会来后悔 感觉家己真正戆
tsiah ē lâi hiō-hué kám-kak ka-kī tsin-tsiànn gōng
 

心内是空 也无人 希望有人来做伴
sim lāi sī khang iā bô lâng hi-bāng ū lâng lâi tsuè-phuānn

厝内温暖  的双手 轻轻牵阮向前行
tshù-lāi un-luán ê siang-tshiú khin-khin khan gún hiòng tsîng kiânn

风雨大  嘛只是经过  犹原无变卦
hong-hōo tuā mā tsí-sī king-kuè iû-guân bô piàn-kuà

你的疼  阮是知影为着啥
lí ê thiànn gún sī tsai-iánn uī-tio̍h siánn
 


若想起  你的爱  为阮牺牲遮尔济
nā siūnn-khí lí ê ài uī gún hi-sing tsiah-nī tsuē

千言万语囥心内  我感谢妳
tshian-giân bān-gí khǹg sim-lāi guá kám-siā lí

若响起  咱的歌  甜蜜甘苦的心声
nā hiáng khí lán ê kua tinn-bit kam-khóo ê sim-siann

幸福平凡 才是人生的意义

hīng-hok pîng-huân tsiah-sī jîn-sing ê ì-gī